Երևանի Կարեն Դեմիրճյանի անվան մարզահամերգային համալիրում ընթացող հունահռոմեական ոճի ըմբշամարտի աշխարհի գավաթի խաղարկության 3-րդ տուրում Հայաստանի ազգային հավաքականը 3:4 հաշվով ցավալի պարտություն կրեց Իրանի ընտրանուց և զրկվեց եզրափակիչ մտնելու հնարավորությունից:
Մրցակցության մեկնարկում մինչև 55 կգ քաշային կարգում հանդես եկող Ռոման Ամոյանը, ով մեր ազգային թիմի առաջատարներից մեկն է, պարտության մատնեց Մոհամմադ Ֆաղիրիին և վերջնարդյունքում հաղթանակի հույս արթնացրեց:
Ցավոք, հաջորդ երկու` 60 կգ և 66 կգ քաշային կարգերում հանդես եկող հայ մարզիկները չկարողացան հաջողության հասնել. Վահան Ջուհարյանը զիջեց Օմիդ Նորոզիին, իսկ Արման Ադիկյանը` Մորադ Սաեդի Աբդվալիին: Այնուհետև հայաստանյան ընտրանին մինչև դիմակայության ավարտը հայտնվեց հետապնդողի կարգավիճակում: Ճիշտ է` 74 կգ քաշային կարգը ներկայացնող Արսեն Ջուլֆալակյանը հավասարեցրեց հաշիվը` առավելության հասնելով Համիդ Ռեյհանիի նկատմամբ, սակայն մեր թիմին ավելին անել, ցավոք, չհաջողվեց: 84 կգ և 96 կգ քաշային կարգերում Դենիս Ֆորովն ու Արման Գեղամյանը պարտվեցին համապատասխանաբար Հաբիբոլա Ախլաղիին և Ամիր Ալի Աքբարիին, և Իրանի ընտրանին վերջին գոտեմարտից առաջ ապահովեց հաղթանակը:
120 կգ քաշային կարգում Հայաստանի դրոշի տակ հանդես եկող Յուրի Պատրիկեևը հաղթեց Ասգարի Բաշիր Դարզի Բաբաջանզադեին, սակայն սա սոսկ մխիթարանքի հաղթանակ էր և այլևս չէր կարող փոխել իրերի դրությունը:
Այսպիսով` «Ա» խմբի մրցաշարային աղյուսակը գլխավորեց Իրանի հավաքականը և այսօր երեկոյան աշխարհի գավաթը կվիճարկի Թուրքիայի ընտրանու հետ եզրափակիչ մրցամարտում: Ի դեպ, թուրքերը երրորդ տուրում 5:2 հաշվով պարտության մատնեցիչ Վրաստանի գլխավոր թիմին և կրկին 100 տոկոսանոց արդյունքով գլխավորեցին խմբի մրցաշարային աղյուսակը:
13.02.2010
09:30
«Ա» գորգ
Իրան-Կուբա 5:2
Նորդիք-Հայաստան 0:7
«Բ» գորգ
Թուրքիա-Հունգարիա 6:1
Ռուսաստան-Վրաստան 6:1
15:30- բացման հանդիսավոր արարողություն
16:30
«Ա» գորգ
Իրան-Նորդիք 6:1
Կուբա-Հայաստան 0:7
«Բ» գորգ
Թուրքիա-Ռուսաստան 5:2
Հունգարիա-Վրաստան 2:5
14.02.2010
10:00
«Ա» գորգ
Իրան-Հայաստան 4:3
Կուբա-Նորդիք 4:3
«Բ» գորգ
Թուրքիա-Վրաստան 5:2
Հունգարիա-Ռուսաստան
Հանդիպում 5/6 տեղերի համար
17:45
«Ա» գորգ
Հանդիպում 3/4 տեղերի համար
Եզրափակիչ
Պարգևատրման հանդիսավոր արարողություն
